ގެވެށި އަނިޔާ ހުއްޓުވުމުގެ ޤާނޫނާއި ޖިންސީ ކުށުގެ ޤާނޫނަށް ފަނޑިޔާރުން އަހުލުވެރިކުރުމަށް ޑިޕާރޓްމަންޓް އޮފް ޖުޑީޝަލް އެޑްމިނިސްޓްރޭޝަންއާއި، ޔޫ.އެން.ޑީ.ޕީ އަދި މި އޮތޯރިޓީ ގުޅިގެން މެއި މަހުގެ 4 ވަނަ ދުވަހުން ފެށިގެން 8 ވަނަ ދުވަހުގެ ނިޔަލަށް ތަމްރީން ޕްރޮގްރާމެއް ވަނީ ކުރިއަށް ގެންދެވިފައެވެ. މި ތަމްރީން ޕްރޮގްރާމްގައި ޖުމްލަ 30 ފަނޑިޔާރުން ބައިވެރިވެވަޑައިގެންފައިވެއެވެ.

މި ތަމްރީން ޕްރޮގްރާމްގައި އޮތޯރިޓީއިން ނަގައިދީފައިވަނީ ޖުމްލަ 4 ސެޝަނެކެވެ. މީގެ ތެރޭގައި ހިމެނެނީ މިންތީގެ މަފްހޫމްތަކާއި، ވެލިއު ކްލެރިފިކޭޝަންއާއި، ބާރާއި ކޮންޓްރޯލް: އަނިޔާވެރި ގުޅުމަކުން ދުރުވުމަށް ހުރި ހުރަސްތައް ދެނެގަތުން އަދި ގެވެށި އަނިޔާ ހުއްޓުވުމުގެ ޤާނޫނެވެ.

5 ދުވަހުގެ މުއްދަތަކަށް ކުރިއަށް ގެންދެވުނު މި ޕްރޮގްރާމްގެ މަގްސަދަކީ މިންތީގެ މަފްހޫމްތަކާއި، ގެވެށި އަނިޔާ ހުއްޓުވުމުގެ ގާނޫނު އަދި ޖިންސީ ކުށުގެ ގާނޫނަށް އަހުލުވެރިވެފައިވާ، އަދި އަނިޔާގެ ޝިކާރައަކަށްވެފައިވާ ފަރާތުގެ ނަޒަރިއްޔާތުން ޝަރީއަތްކުރުމުގެ މައުލޫމާތު ލިބިފައިވާ ފަނޑިޔާރުންތަކެއް ތަމްރީންކުރުމެވެ.